نیپئر (رم نیوز) نیوزی لینڈ نے پہلے ون ڈے میچ میں پاکستان کے خلاف 9 وکٹوں کے نقصان پر 344 رنز بنائے اور پاکستان کو جیت کے لیے 345 رنز کا ہدف دے دیا۔تین میچوں کی سیریز کے آغاز پر پاکستان کے کپتان محمد رضوان نے ٹاس جیت کر نیوزی لینڈ کو بیٹنگ کی دعوت دی۔ نیوزی لینڈ کی بیٹنگ ابتدا میں مشکلات کا شکار رہی اور 50 رنز پر اس کے تین کھلاڑی پویلین لوٹ گئے۔ ول ینگ ایک، نک کیلی 15 اور ہینری نکلز 11 رنز بنا کر آؤٹ ہوئے۔

اس کے بعد مچل اور مارک چیپمین نے ذمہ دارانہ بیٹنگ کرتے ہوئے اپنی ٹیم کو سنبھال لیا۔ مارک چیپمین نے 132 اور ڈیرل مچل نے 76 رنز کی شاندار اننگز کھیلی۔ ڈیبیو کرنے والے محمد عباس نے 24 گیندوں پر نصف سنچری اسکور کی۔ پاکستان کی جانب سے عرفان خان نے 3، حارث رؤف اور عاکف جاوید نے 2،2 وکٹیں حاصل کیں۔

پاکستانی پلیئنگ الیون میں عبداللہ شفیق، عثمان خان، بابراعظم، محمد رضوان، سلمان علی آغا، طیب طاہر، محمد عرفان خان، نسیم شاہ، حارث رؤف، عاکف جاوید اور محمد علی شامل ہیں۔