اسلام آباد (رم نیوز)صدر مملکت آصف علی زرداری نے عیدالفطر کے موقع پر قوم اور عالم اسلام کو دلی مبارکباد پیش کی ہے۔

صدر مملکت نے اپنے پیغام میں کہا کہ رمضان المبارک کی برکتوں اور عبادات کے بعد عیدالفطر خوشیوں کا پیغام لے کر آتی ہے۔ انہوں نے کہا کہ ہمیں عید کے موقع پر اپنے معاشی طور پر کمزور بہن بھائیوں کا بھی خاص خیال رکھنا چاہیے، کیونکہ اصل خوشی دوسروں کے ساتھ اپنی خوشیاں بانٹنے میں ہے۔

آصف علی زرداری نے کہا کہ عید کا دن ہمیں اتحاد، یکجہتی اور بھائی چارے کا درس دیتا ہے۔ عوام کو چاہیے کہ اپنی صفوں میں اتحاد پیدا کریں، ایک دوسرے کا سہارا بنیں اور ملک کی ترقی و خوشحالی کے لیے اپنا کردار ادا کریں۔

صدر مملکت نے دعا کی کہ اللہ تعالیٰ پاکستان کو مضبوط اور خوشحال بنائے اور اہل مقبوضہ کشمیر کو جلد آزادی کی نعمت عطا فرمائے۔