ٹونگا (رم نیوز)بحرالکاہل میں نیوزی لینڈ کے قریب واقع ملک ٹونگا میں شدید زلزلہ آنے کے بعد ساحلی علاقوں میں سونامی وارننگ جاری کر دی گئی ہے۔

غیر ملکی میڈیا کے مطابق جرمن ریسرچ سینٹر نے بتایا ہے کہ زلزلے کی شدت ریکٹر اسکیل پر 7.1 ریکارڈ کی گئی، جو کہ 16 کلومیٹر کی گہرائی میں آیا۔ زلزلے کا مرکز ٹونگا کے مرکزی جزیرے سے 100 کلومیٹر شمال مشرق میں تھا۔

پیسیفک سونامی وارننگ سینٹر کے مطابق زلزلے کے بعد 300 کلومیٹر کے دائرے میں واقع ساحلی علاقوں میں خطرناک لہریں اٹھنے کا خدشہ ہے۔تاحال کسی جانی یا مالی نقصان کی اطلاع موصول نہیں ہوئی، تاہم حکام نے ساحلی علاقوں میں رہائش پذیر افراد کو احتیاطی تدابیر اختیار کرنے کی ہدایت کی ہے۔