کوالالمپور (رم نیوز)ملائیشیا کے دارالحکومت کوالالمپور کے مضافات میں پیٹروناس کی گیس پائپ لائن میں آگ لگنے کے نتیجے میں 33 افراد زخمی ہو گئے۔

فائر ڈپارٹمنٹ کے ڈائریکٹر کے مطابق، زخمیوں میں سے 6 کو اسپتال منتقل کر دیا گیا ہے، جبکہ آگ پر قابو پانے کے لیے آپریشن جاری ہے۔

سیلنگور ڈیزاسٹر مینجمنٹ کمیٹی کے چیئرمین نے بتایا کہ متاثرہ علاقے کے رہائشی گھروں میں محصور ہیں اور انہیں ریسکیو کرنے کی کوششیں کی جا رہی ہیں۔

پیٹروناس نے اپنے بیان میں کہا کہ گیس پائپ لائن کو منتقع (shut off) کر دیا گیا ہے، اور سیلنگور فائر ڈپارٹمنٹ نے آگ کے گھروں پر اثرات کی تصدیق کی ہے۔سوشل میڈیا پر شیئر کی گئی تصاویر اور فوٹیج میں آسمان پر بلند شعلوں اور دھویں کے بڑے بادل دکھائے گئے۔

متعلقہ محکمے کے مطابق، تقریباً 500 میٹر لمبی پائپ لائن میں لیکج کے باعث آگ لگی تھی، جس کے بعد متاثرہ پائپ لائن کا والو بند کر دیا گیا۔ فائر ڈپارٹمنٹ آگ کی شدت کا جائزہ لے رہا ہے