اسلام آباد(رم نیوز)وزیراعظم شہباز شریف نے کہا ہے کہ سندھ کی ترقی پاکستان کی مجموعی ترقی سے جڑی ہوئی ہے، اور صوبہ سندھ کے عوام کی فلاح و بہبود حکومت کی ترجیحات میں شامل ہے۔
وزیراعظم نے گورنر سندھ کامران ٹیسوری کو ٹیلی فون کیا اور انہیں عید کی مبارکباد دیتے ہوئے نیک خواہشات کا اظہار کیا۔ گورنر سندھ نے بھی وزیراعظم کو عید کی مبارکباد دی۔
وزیراعظم نے مزید کہا کہ سندھ کی ترقی کے بغیر پاکستان کی ترقی ممکن نہیں، اور صوبہ سندھ کے عوام کی فلاح و بہبود حکومت کی اہم ترجیحات میں شامل ہے۔ دونوں رہنماؤں نے ملک کی موجودہ معاشی اور سیاسی صورتحال پر بھی تبادلہ خیال کیا۔
دریں اثنا، وزیراعظم نے گورنر خیبرپختونخوا فیصل کریم کنڈی کو بھی ٹیلی فون کیا اور انہیں اور صوبہ خیبرپختونخوا کے عوام کو عیدالفطر کی خوشیوں کی مبارکباد دی۔
گورنر فیصل کریم کنڈی نے وزیراعظم کا شکریہ ادا کرتے ہوئے کہا کہ خیبرپختونخوا کے عوام وفاق کے ساتھ مل کر ملک کی ترقی اور خوشحالی کے لیے پرعزم ہیں۔
