گجرات (رم نیوز) بھارتی فضائیہ کا جیگوار لڑاکا طیارہ گجرات کے علاقے جام نگر میں گر کر تباہ ہوگیا۔ ابتدائی اطلاعات کے مطابق طیارہ تکنیکی خرابی کے باعث حادثے کا شکار ہوا۔

یہ پہلا واقعہ نہیں ہے، بھارتی فضائیہ کے طیاروں کا گرنا ایک معمول بن چکا ہے۔ 2 اپریل 2025 کو بھی بھارتی فضائیہ کا ایک سنگل انجن والا طیارہ مہسانہ شہر کے قریب اُچارپی گاؤں میں گر کر تباہ ہوگیا تھا۔ اس کے علاوہ، گزشتہ ماہ بھی بھارتی فضائیہ کے ایک ہی دن میں دو طیارے گر کر تباہ ہوئے، جن میں جیگوار لڑاکا طیارہ بھی شامل تھا.نومبر 2024 میں بھی بھارتی فضائیہ کا MiG-29 لڑاکا طیارہ آگرہ، اتر پردیش کے قریب گر کر تباہ ہو چکا تھا۔

دفاعی ماہرین کے مطابق، ان حادثات کے بعد بھارتی فضائیہ کی آپریشنل تیاریوں اور حفاظتی معیار پر سنگین سوالات اٹھ رہے ہیں۔ ماہرین کا کہنا ہے کہ مودی حکومت کی ناکام پالیسیوں اور کرپشن کی وجہ سے بھارت کا دفاعی نظام کمزور ہو چکا ہے، جس سے بھارتی فضائیہ ہر گزرتے دن کے ساتھ مزید زوال پذیر ہو رہی ہے۔ ان کا کہنا تھا کہ مودی حکومت کے دفاعی شعبے میں بہتری کے دعوے محض زبانی وعدے ہیں۔