کراچی(رم نیوز)حکومت سندھ نے 4 اپریل بروز جمعہ، پاکستان پیپلز پارٹی کے بانی اور سابق وزیر اعظم ذوالفقار علی بھٹو کی 46ویں برسی کے موقع پر صوبے بھر میں عام تعطیل کا اعلان کیا ہے۔چیف سیکریٹری سندھ آصف حیدر شاہ کی جانب سے جاری کردہ نوٹیفکیشن کے مطابق، اس روز صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں بند رہیں گی۔
ذوالفقار علی بھٹو کی برسی کے موقع پر پیپلز پارٹی گڑھی خدا بخش میں تعزیتی اجتماع منعقد کرے گی، جس میں ملک بھر سے پارٹی کارکنوں اور حامیوں کی بڑی تعداد کی شرکت متوقع ہے۔
