لاہور(رم نیوز)نظر بندی قانون کے سیکشن تین کے خلاف درخواستوں کی سماعت کے لیے لاہور ہائیکورٹ کا پانچ رکنی بینچ تحلیل ہوگیا۔چیف جسٹس مس عالیہ نیلم کی سربراہی میں پانچ رکنی بینچ نے سماعت کی، تاہم بینچ کے ایک ممبر، جسٹس خالد اسحاق نے کیس سننے سے معذرت کرلی جس کے باعث بینچ تحلیل کردیا گیا۔

سماعت کے دوران، جسٹس فاروق حیدر نے ریمارکس دیے کہ معزز جج صاحب نے 27 اے کے نوٹس کے تحت رپورٹ فائل کی تھی۔یہ بھی یاد رہے کہ 24 مارچ کو چیف جسٹس لاہور ہائیکورٹ، جسٹس مس عالیہ نیلم نے نظر بندی قانون کی معطلی کے حوالے سے پنجاب حکومت کی درخواست پر کیس کی جلد سماعت کی درخواست منظور کی تھی۔ اس کے بعد عدالت نے 27 مارچ کو مرکزی کیس کی سماعت کے لیے مقرر کرنے کا حکم دیا تھا۔

پنجاب حکومت کے وکیل نے عدالت میں موقف اپنایا کہ عدالت نے زینب عمیر اور دیگر کی درخواست پر نظر بندی قانون کا سیکشن معطل کر رکھا ہے اور جلد سماعت کے لیے کیس کو مقرر کرنے کی استدعا کی تھی۔