راولپنڈی (رم نیوز)پاکستان سپر لیگ (پی ایس ایل) 10 کے پانچویں میچ میں اسلام آباد یونائیٹڈ نے پشاور زلمی کو 102 رنز کے بڑے مارجن سے شکست دے دی۔244 رنز کے ہدف کے تعاقب میں پشاور زلمی کی ٹیم 19 ویں اوور میں صرف 141 رنز بنا کر آؤٹ ہو گئی۔ پشاور زلمی کے محمد حارث نے 87 رنز کی شاندار اننگز کھیلی، لیکن ٹیم کو کامیابی نہ مل سکی۔

پشاور زلمی کی اننگز کا آغاز صائم ایوب اور کپتان بابر اعظم نے کیا، لیکن یہ آغاز مایوس کن رہا۔ بابر اعظم ایک رن بنا کر آؤٹ ہو گئے اور صائم ایوب بھی 6 رنز پر چلتے بنے۔ اس کے بعد مچل اوون 10، ٹام کوہلر-کیڈمور 8، حسین طلعت 13، الزاری جوزف 2، سفیان مقیم 1، محمد علی 3 اور جارج لنڈے بغیر کوئی رن بنائے آؤٹ ہو گئے۔اسلام آباد یونائیٹڈ کی جانب سے عماد وسیم نے 3 وکٹیں حاصل کیں، جب کہ شاداب خان اور بین ڈوارسہوئس نے 2، 2 وکٹیں حاصل کیں۔ نسیم شاہ، جیسن ہولڈر اور سعد مسعود نے ایک ایک وکٹ حاصل کی۔

اس سے قبل، اسلام آباد یونائیٹڈ نے ٹاس جیت کر پہلے بیٹنگ کا فیصلہ کیا اور 20 اوورز میں 5 وکٹوں کے نقصان پر 243 رنز بنائے۔ صاحبزادہ فرحان نے 106 رنز کی شاندار اننگز کھیلی، جس کی بدولت ٹیم ایک مضبوط اسکور پر پہنچی۔ ان کے علاوہ کولن منرو 40، سلمان آغا 30، جیسن ہولڈر 20 اور بین ڈوارسہوئس 18 رنز کے ساتھ ناٹ آؤٹ رہے۔ آندرے گوس بغیر کسی اسکور کے رن آؤٹ ہو گئے۔پشاور زلمی کے الزاری جوزف اور حسین طلعت نے 2، 2 کھلاڑیوں کو آئوٹ کیا، مگر اسلام آباد یونائیٹڈ کی فتح کو نہیں روک سکے