لاہور (رم نیوز)پاکستان سپر لیگ (پی ایس ایل) سیزن 10 کے ایک اہم میچ میں آج کراچی کنگز اور کوئٹہ گلیڈی ایٹرز کی ٹیمیں آمنے سامنے ہوں گی۔کراچی کنگز کی قیادت سابق آسٹریلوی جارح مزاج بیٹر ڈیوڈ وارنر کر رہے ہیں، اور ٹیم کے اہم کھلاڑیوں میں حسن علی، شان مسعود، ٹم سیفرٹ، جیمز ونس، اور ایڈم ملن شامل ہیں۔

دوسری جانب، کوئٹہ گلیڈی ایٹرز کی قیادت سعود شکیل کر رہے ہیں، اور اس ٹیم میں رائیلی روسو، شعیب ملک، محمد عامر، کوسال مینڈس، فن ایلن اور عقیل حسین جیسے اہم کھلاڑی موجود ہیں۔یہ میچ دونوں ٹیموں کے لیے انتہائی اہمیت کا حامل ہے کیونکہ دونوں پوائنٹس ٹیبل پر اپنی پوزیشن بہتر بنانے کے لیے کوشاں ہیں۔ اس وقت اسلام آباد یونائیٹڈ 5 فتوحات کے ساتھ پہلی پوزیشن پر براجمان ہے۔