اسلام آباد (رم نیوز)پاکستان نے بھارت کے پہلگام فالز فلیگ آپریشن پر مفصل ڈاکومنٹری جاری کرتے ہوئے بھارتی پراپیگنڈے کو بے نقاب کر دیا ہے۔اس ڈاکومنٹری میں پہلگام فالز فلیگ آپریشن کے اصل محرکات اور زمینی حقائق پر روشنی ڈالی گئی ہے، جبکہ بھارت کی جانب سے گھڑے گئے جھوٹے بیانیے کو بھی واضح کیا گیا ہے۔ پاکستان نے اس ڈاکومنٹری میں بھارت کی طرف سے پاکستان میں دہشت گردی کروانے کے ناقابل تردید ثبوت پیش کیے ہیں۔

ڈاکومنٹری میں بھارت کے عوام، سیاست دانوں اور مختلف مکتبہ فکر کی جانب سے اُٹھائے جانے والے سنجیدہ سوالات بھی شامل کیے گئے ہیں۔ اس کے علاوہ پہلگام فالز فلیگ آپریشن میں موجود ابہام اور کوتاہیوں کی نشاندہی کی گئی ہے، جو بھارتی دعووں کے بے بنیاد ہونے کا ثبوت فراہم کرتی ہیں۔

پاکستان نے اس ڈاکومنٹری میں یہ بھی بتایا ہے کہ کس طرح بھارت کے اس فلیگ آپریشن کے ردعمل میں پاکستان نے اپنی حکمت عملی اور بیانیے کے ذریعے بھارت کو کسی بھی مہم جوئی سے پہلے ہی شکست دے دی۔