لاہور (رم نیوز)پاکستان سپر لیگ (پی ایس ایل) سیزن 10 میں آج لاہور قلندرز اور کراچی کنگز کے درمیان ایک دلچسپ مقابلہ ہونے جا رہا ہے۔
میچ لاہور کے قذافی سٹیڈیم میں رات 8 بجے شروع ہوگا۔ لاہور قلندرز کی قیادت پاکستان کے فاسٹ باؤلر شاہین شاہ آفریدی کر رہے ہیں، جبکہ کراچی کنگز کی قیادت تجربہ کار آسٹریلوی اوپنر ڈیوڈ وارنر کے پاس ہے۔
دونوں ٹیمیں پوائنٹس ٹیبل پر بہتر پوزیشن حاصل کرنے کے لیے سخت محنت کر رہی ہیں اور آج کے میچ میں جیت کے لیے بھرپور کوشش کریں گی۔ اس میچ کو لے کر کرکٹ شائقین میں خاصا جوش و خروش پایا جا رہا ہے کیونکہ لاہور قلندرز اور کراچی کنگز کے درمیان مقابلے ہمیشہ ہائی وولٹیج اور سنسنی خیز ہوتے ہیں۔
