راولپنڈی(رم نیوز)پاکستان نے آپریشن ’’بنیان مرصوص‘‘ کے دوران بھارت میں بڑی تباہی مچاتے ہوئے بھارت کے ایس 400 ایئر ڈیفنس سسٹم کو مکمل طور پر تباہ کر دیا ہے۔ سکیورٹی ذرائع کے مطابق، پاکستانی فضائیہ کے جے ایف 17 تھنڈر طیاروں نے ہائپر سونک میزائلوں کے ذریعے بھارت کے اس اہم ایئر ڈیفنس سسٹم کو نشانہ بنایا۔

ایس 400 سسٹم، جس کی مالیت تقریباً 1.5 بلین ڈالر ہے، بھارتی فضائی دفاع کا ایک اہم حصّہ تھا اور اس کے خاتمے سے بھارت کی فضائی حدود کی حفاظت میں بڑی کمی واقع ہوئی ہے۔پاکستان نے اس کارروائی میں بھارت کے سورت گڑھ ایئر فیلڈ کو بھی تباہ کیا، جب کہ بیاس میں براہموس میزائل سٹوریج سائٹ اور بھارتی ایئر بیسز، ادھم پور اور پٹھان کوٹ کو بھی نشانہ بنایا گیا ہے، جس سے بھارتی دفاعی صلاحیتوں کو شدید نقصان پہنچا ہے۔

پاکستان کی یہ جوابی کارروائی بھارت کی جارحیت کے جواب میں کی گئی ہے، اور اس نے بھارت کی دفاعی سسٹمز میں خلل ڈال دیا ہے۔ اس آپریشن کے نتیجے میں دونوں ممالک کے درمیان کشیدگی میں مزید اضافہ متوقع ہے۔