راولپنڈی(رم نیوز) 17 مئی 2025 – پاکستان سپر لیگ (پی ایس ایل) کے 27ویں میچ میں کراچی کنگز نے پشاور زلمی کو 23 رنز سے شکست دے کر اہم کامیابی حاصل کی۔پشاور زلمی نے ٹاس جیت کر فیلڈنگ کا فیصلہ کیا، تاہم کراچی کنگز نے 20 اوورز میں 4 وکٹوں کے نقصان پر 237 رنز بنائے۔ ڈیوڈ وارنر نے 86 اور جیمز ونس نے 72 رنز کی شاندار اننگز کھیل کر ٹیم کو بڑا اسکور دیا۔ خوشدل شاہ 43 اور محمد نبی 26 رنز کے ساتھ نمایاں رہے۔ پشاور زلمی کی جانب سے لیوک ووڈ نے 2، علی ضیا اور عارف یعقوب نے ایک، ایک وکٹ حاصل کیں۔

ہدف کے تعاقب میں پشاور زلمی کی ٹیم مقررہ 20 اوورز میں 5 وکٹوں کے نقصان پر 214 رنز بنا سکی۔ بابر اعظم نے 94 رنز کی شاندار اننگز کھیلی لیکن ٹیم کو جیت نہیں دلا سکے۔ صائم ایوب نے 47 رنز بنائے جبکہ معاذ صادق اور حسین طلعت ناٹ آؤٹ رہے۔ کراچی کنگز کی جانب سے جیمز ونس نے 3 اور ڈیوڈ وارنر نے ایک وکٹ حاصل کی۔

میچ کے آغاز سے قبل قومی ترانہ بجایا گیا جس میں پی سی بی چیئرمین محسن نقوی اور آرمی چیف جنرل سید عاصم منیر بھی سٹیڈیم میں موجود تھے۔