لاہور (رم نیوز)پی سی بی نے بنگلادیش کے خلاف تین ٹی 20 سیریز کے لیے 16 رکنی قومی اسکواڈ کا اعلان کیا ہے۔ تمام میچز لاہور کے قذافی سٹیڈیم میں ہوں گے۔پی سی بی کی سلیکشن کمیٹی کی جانب سے اعلان کیا گیا کہ سلمان علی آغا کو ٹیم کا کپتان مقرر کیا گیا ہے، جبکہ شاداب خان نائب کپتان ہوں گے۔ کمیٹی کا کہنا ہے کہ اس اسکواڈ میں نوجوان کھلاڑیوں کو شامل کر کے تجربہ کار کھلاڑیوں کے ساتھ متوازن ٹیم تیار کی گئی ہے، تاکہ دونوں کی صلاحیتوں کا بھرپور فائدہ اٹھایا جا سکے۔

قومی ٹی 20 سکواڈمیں سلمان علی آغا (کپتان)۔شاداب خان (نائب کپتان)،ابرار احمد،فہیم اشرف۔فخر زمان ،حارث رؤف ، حسن علی ،حسن نواز،حسین طلعت،محمد عرفان خان نیازی ، خوشدل شاہ ، محمد حارث (وکٹ کیپر)، محمد وسیم جونیئر، نسیم شاہ ، صاحبزادہ فرحان (وکٹ کیپر)، صائم ایوب شامل ہیں۔ پی سی بی نے اس موقع پر کہا کہ نوجوان کھلاڑیوں کو اپنی صلاحیتوں کا لوہا منوانے کا بہترین موقع دیا جائے گا، اور یہ سلیکشن آئندہ بین الاقوامی ایونٹس کی تیاری کا حصہ ہے۔ اس کے ساتھ ہی پی سی بی کے ذرائع کا کہنا ہے کہ یہ اسکواڈ قومی کرکٹ ٹیم کے لیے مستقبل کی تیاری کی اہم کڑی ثابت ہو گا۔

واضح رہے کہ سیریز کی میزبانی پاکستان کرے گا، اور لاہور کا قذافی اسٹیڈیم تینوں میچز کی میزبانی کرے گا۔ سیریز کے مکمل شیڈول اور دیگر تفصیلات کا اعلان جلد متوقع ہے۔