اسلام آباد(رم نیوز)چیف جسٹس آف پاکستان جسٹس یحییٰ آفریدی کی سربراہی میں سپریم جوڈیشل کونسل کا اہم اجلاس آج منعقد ہوگا جس میں اعلیٰ عدلیہ کے ججز کے خطوط اور ان کے خلاف موصول شکایات پر تفصیلی غور کیا جائے گا۔
اجلاس میں سپریم کورٹ کے ججز جسٹس منصور علی شاہ اور جسٹس منیب اختر کونسل کے ممبران کے طور پر شریک ہوں گے جبکہ لاہور ہائیکورٹ کی چیف جسٹس عالیہ نیلم اور سندھ ہائیکورٹ کے چیف جسٹس جنید غفار بھی اجلاس میں شامل ہوں گے۔ذرائع کے مطابق اجلاس میں عدالتی کوڈ آف کنڈکٹ اور ججز کے رویے سے متعلق موجودہ رولز کا جائزہ لیا جائے گا تاکہ نظام عدل کی شفافیت اور احتساب کو یقینی بنایا جا سکے۔
