اسلام آباد (رم نیوز)پاکستان تحریک انصاف کے سینئر رہنما شیخ وقاص اکرم کی قومی اسمبلی کی رکنیت خطرے میں پڑ گئی ہے، ان کی نشست خالی قرار دینے سے متعلق فیصلہ آج ایوان میں کیا جائے گا۔مسلم لیگ (ن) کی رکن قومی اسمبلی نوشین افتخار کی جانب سے پیش کی گئی تحریک آج قومی اسمبلی کے ایجنڈے کا حصہ ہے، جس میں شیخ وقاص اکرم کی مسلسل غیر حاضری کے باعث ان کی نشست خالی قرار دینے کا مطالبہ کیا گیا ہے۔

سپیکر قومی اسمبلی سردار ایاز صادق ایوان سے اس حوالے سے رائے لیں گے۔ یاد رہے کہ سپیکر نے 5 اگست کو شیخ وقاص اکرم کی غیر حاضری سے ایوان کو آگاہ کیا تھا، جس پر اسی روز نوشین افتخار نے باقاعدہ تحریک پیش کی تھی۔ایوان کی منظوری کی صورت میں شیخ وقاص اکرم کی نشست سرکاری طور پر خالی قرار دی جا سکتی ہے۔