کوئٹہ (رم نیوز)چہلم شہدائے کربلا کے موقع پر سیکیورٹی اقدامات کے تحت کوئٹہ کے مختلف علاقوں میں 15 اگست کو موبائل فون سروس معطل رکھنے کا فیصلہ کیا گیا ہے۔محکمہ داخلہ بلوچستان نے وفاقی حکام کو مراسلہ ارسال کیا ہے جس میں قائد آباد، بروری اور گوالمنڈی تھانوں کی حدود میں صبح 9 بجے سے رات 8 بجے تک سروس معطل رکھنے کی سفارش کی گئی ہے۔ اقدام کا مقصد جلوسوں اور مجالس کے دوران امن و امان قائم رکھنا ہے۔