نوشہرو فیروز(رم نیوز)دریائے سندھ میں پانی کی سطح بلند ہونے سے نوشہرو فیروز میں سیلابی صورتحال پیدا ہو گئی ہے۔ کئی دیہات زیرِ آب آ گئے ہیں اور مقامی لوگ محفوظ مقامات کی طرف جارہے ہیں۔

محکمہ آبپاشی کے مطابق نوشہرو فیروز سے 3 لاکھ کیوسک کا پانی کا ریلا گزر رہا ہے۔کشمور میں بھی سیلابی صورت حال برقرار ہے، جبکہ پنجند پر پانی کی سطح 6 لاکھ 65 ہزار 576 کیوسک تک پہنچ گئی ہے۔ گڈو بیراج کے مقام پر بھی پانی کی سطح میں اضافہ ہو رہا ہے، جہاں اپ سٹریم میں پانی 5 لاکھ 12 ہزار 662 کیوسک پر ہے۔