اسلام آباد(رم نیوز)وزیراعظم شہباز شریف سہ ملکی دورے کے پہلے مرحلے میں سعودی عرب روانہ ہو گئے، جہاں وہ ولی عہد محمد بن سلمان سے ملاقات کریں گے۔دفتر خارجہ کے مطابق دورے میں دوطرفہ تعلقات، علاقائی اور عالمی امور پر بات چیت ہوگی۔ وزیراعظم بعد ازاں برطانیہ اور پھر 21 ستمبر کو امریکہ جائیں گے، جہاں وہ اقوام متحدہ کی جنرل اسمبلی سے 26 ستمبر کو خطاب کریں گے۔وزیراعظم کی 22 ستمبر کو فلسطین سے متعلق کانفرنس اور ڈونلڈ ٹرمپ سے ملاقات بھی متوقع ہے۔