پشاور(رم نیوز)خیبر پختونخوا حکومت میں جلد بڑے پیمانے پر تبدیلیوں کا امکان ہے۔ ذرائع کے مطابق وزیر اعلیٰ علی امین گنڈاپور اور بانی پی ٹی آئی عمران خان کے درمیان گزشتہ روز اڈیالہ جیل میں ہونے والی ملاقات میں کابینہ میں ردوبدل سے متعلق اہم فیصلے کیے گئے۔پارٹی ذرائع کے مطابق رات گئے تک اہم مشاورتی ملاقاتیں ہوئیں، جن میں 2 سے 3 نئے وزراء کی شمولیت اور چند وزراء کے قلمدان تبدیل کرنے پر غور کیا گیا۔

ذرائع کا کہنا ہے کہ وزیر اعلیٰ نے کابینہ کے دو اراکین سے متعلق شکایات بھی بانی پی ٹی آئی کے سامنے رکھیں، جس کے بعد نہ صرف کابینہ بلکہ انتظامی سطح پر بھی تبدیلیاں متوقع ہیں، اور بعض سیکرٹریز کو عہدوں سے ہٹایا جا سکتا ہے۔باوثوق ذرائع کے مطابق ان اقدامات کا مقصد صوبائی حکومت کی کارکردگی اور انتظامی امور کو مزید بہتر بنانا ہے۔