رحیم یار خان (رم نیوز)رحیم یار خان کے علاقے تھانہ کوٹ سبزل میں مبینہ پولیس مقابلے کے دوران لاہور پولیس کو مطلوب ملزم خواجہ تعریف گلشن عرف طیفی بٹ اپنے ہی ساتھیوں کی فائرنگ سے ہلاک ہوگیا۔

ذرائع کے مطابق، طیفی بٹ کو لاہور منتقل کیا جا رہا تھا کہ اس کے ساتھیوں نے پولیس پر حملہ کر کے اسے چھڑا لیا، جس کے بعد پولیس نے ملزمان کا تعاقب کیا اور فائرنگ کا تبادلہ ہوا۔فائرنگ کے دوران طیفی بٹ اپنے ہی ساتھیوں کی گولیوں کا شکار ہو گیا۔ پولیس نے علاقے کو گھیرے میں لے کر سرچ آپریشن شروع کر دیا، جبکہ طیفی بٹ کی لاش مردہ خانے منتقل کر دی گئی۔ پولیس کانسٹیبل نور حسن بھی زخمی ہو گیا۔