اسلام آباد(رم نیوز)ڈسٹرکٹ اینڈ سیشن کورٹ اسلام آباد نے ڈپلومیٹک پاسپورٹ کیس میں سابق وزیر اعظم آزاد کشمیر سردار تنویر الیاس کی حاضری سے استثنیٰ کی درخواست منظور کر لی۔جوڈیشل مجسٹریٹ احمد شہزاد گوندل نے کیس کی سماعت کی، دوران سماعت تنویر الیاس کی حاضری سے استثنیٰ کی درخواست عدالت نے قبول کی۔

سردار تنویر الیاس کی غیر موجودگی کی وجہ سے استغاثہ کی شہادتیں ریکارڈ نہیں ہو سکیں۔ عدالت نے اگلی سماعت پر استغاثہ کے گواہان کو دوبارہ طلب کرتے ہوئے سماعت 31 اکتوبر تک ملتوی کر دی۔