اسلام آباد (رم نیوز)الیکشن کمیشن آف پاکستان نے فیصل آباد اور ساہیوال کے پانچ حلقوں میں ضمنی انتخابات کا نیا شیڈول جاری کر دیا ہے۔ترجمان کے مطابق این اے-96، 104، 143 اور پی پی-98، 203 میں پولنگ 23 نومبر کو ہوگی۔ امیدواروں کی نظرِثانی شدہ فہرست 1 نومبر کو شائع کی جائے گی، جب کہ انتخابی نشانات 4 نومبر کو الاٹ کیے جائیں گے۔الیکشن ایکٹ 2017 کے تحت جاری کردہ شیڈول کے مطابق ضابطہ اخلاق پر عملدرآمد کو یقینی بنانے کی ہدایت بھی جاری کی گئی ہے۔