اسلام آ باد (رم نیوز)پشتونخوا ملی عوامی پارٹی کے چیئرمین محمود خان اچکزئی کو قومی اسمبلی میں اپوزیشن لیڈر نامزد کر دیا گیا ہے۔ اپوزیشن جماعتوں کی جانب سے باقاعدہ درخواست سیکرٹری قومی اسمبلی مشتاق کے دفتر میں جمع کرا دی گئی۔
درخواست جمع کروانے والوں میں چیف وہپ عامر ڈوگر، سابق اسپیکر اسد قیصر اور دیگر اہم اپوزیشن رہنما شامل تھے۔ ذرائع کے مطابق اپوزیشن کے 74 اراکین نے محمود خان اچکزئی کی نامزدگی پر دستخط کیے، جبکہ پاکستان تحریک انصاف (پی ٹی آئی) کے تین اراکین علی افضل ساہی، عمر فاروق اور صاحبزادہ محبوب سلطان بیرون ملک موجود ہونے کے باعث دستخط نہ کر سکے۔
سیکرٹری قومی اسمبلی کے دفتر نے درخواست وصول کرتے ہوئے اسے ڈائری نمبر الاٹ کر دیا ہے، جس کے بعد اپوزیشن لیڈر کی تقرری کا باضابطہ نوٹیفکیشن جلد متوقع ہے۔
