راولپنڈی (رم نیوز)ڈی جی آئی ایس پی آر نے غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی، ٹوپی (صوابی) کا دورہ کیا، جہاں انہوں نے طلبہ سے پاک افغان سرحدی صورتحال، سیکیورٹی چیلنجز اور سوشل میڈیا کے کردار پر گفتگو کی۔
انہوں نے کہا کہ پاکستان نے افغانستان میں خوارج کی موجودگی کے خلاف مؤثر اقدامات کیے ہیں اور پاک فوج ہر دشمن کی جارحیت کے مقابلے میں سیسہ پلائی دیوار بنی رہے گی۔ ڈی جی آئی ایس پی آر نے نوجوانوں کو ملک کا روشن مستقبل قرار دیتے ہوئے ان کے کردار کو قومی ترقی میں کلیدی اہمیت کا حامل بتایا۔طلبہ اور اساتذہ نے پاک فوج کے شہداء اور غازیوں کو خراجِ تحسین پیش کرتے ہوئے کہا کہ ایسی نشستیں ڈس انفارمیشن کے خاتمے اور قومی یکجہتی کے فروغ کے لیے اہم ہیں۔
