اسلام آباد(رم نیوز)وزیرِ اعظم محمد شہباز شریف سعودی ولی عہد و وزیرِ اعظم محمد بن سلمان کی دعوت پر پاکستانی وفد کے ہمراہ ریاض روانہ ہوگئے۔وفد میں نائب وزیرِ اعظم و وزیرِ خارجہ اسحاق ڈار، وفاقی وزراء اور معاونین خصوصی شامل ہیں۔
وزیرِ اعظم فیوچر انویسٹمنٹ انیشی ایٹیو کی نویں کانفرنس میں شرکت کریں گے، جہاں عالمی رہنما، سرمایہ کار اور پالیسی ساز پاکستان کی نمائندگی میں پائیدار ترقی، اقتصادی شمولیت اور جدت پر گفتگو کریں گے۔
دورے کے دوران وزیرِ اعظم سعودی قیادت سے ملاقاتیں کریں گے اور پاکستان و سعودی عرب کے درمیان تجارت، سرمایہ کاری، توانائی اور افرادی قوت کے شعبوں میں تعاون بڑھانے کے مواقع پر بات چیت ہوگی۔
