اسلام آباد (رم نیوز) اسلام آباد کی ڈسٹرکٹ اینڈ سیشن کورٹ نے بانی پاکستان تحریک انصاف عمران خان کو آئندہ سماعت پر عدالت میں یا ویڈیو لنک کے ذریعے پیش کرنے کا حکم دے دیا۔ایڈیشنل سیشن جج محمد افضل مجوکا نے 9 مئی اور دیگر 5 مقدمات، بشمول اقدامِ قتل اور جعلی رسیدوں کے کیسز کی سماعت کی۔عدالت نے اڈیالہ جیل حکام کے شوکاز نوٹس کا جواب جمع نہ کرانے پر برہمی کا اظہار کیا۔
سماعت کے دوران عدالت نے عمران خان اور بشریٰ بی بی کی عبوری ضمانت میں 25 نومبر تک توسیع کرتے ہوئے سماعت ملتوی کر دی۔بشریٰ بی بی کے خلاف مبینہ جعلی رسیدیں جمع کرانے کا مقدمہ بھی زیر سماعت ہے۔
