کراچی(رم نیوز)ملک میں سونے کی قیمت تاریخی کمی کے ایک روز بعد دوبارہ بڑھ گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق آج 24 قیراط کا فی تولہ سونا 3,500 روپے اضافے کے ساتھ 4 لاکھ 19 ہزار 862 روپے پر پہنچ گیا، جبکہ 10 گرام سونا 3,000 روپے بڑھ کر 3 لاکھ 59 ہزار 963 روپے ہوگیا۔

عالمی مارکیٹ میں بھی سونے کی قیمت میں اضافہ دیکھنے میں آیا اور فی اونس سونا 35 ڈالر اضافے کے بعد 3,975 ڈالر پر پہنچ گیا۔چاندی کی قیمت میں بھی اضافہ ریکارڈ کیا گیا، فی تولہ چاندی 110 روپے بڑھ کر 5,034 روپے ہوگئی اور عالمی مارکیٹ میں فی اونس چاندی کی قیمت 47.72 ڈالر رہی۔