استنبول (رم نیوز)ترکیہ کے شہر استنبول میں آج غزہ سے متعلق اہم اجلاس منعقد ہو رہا ہے جس کی میزبانی ترک وزیرِ خارجہ حاقان فدان کر رہے ہیں۔اجلاس میں ترکیہ، پاکستان، سعودی عرب، قطر، مصر، اردن، انڈونیشیا اور متحدہ عرب امارات کے وزرائے خارجہ شرکت کر رہے ہیں۔ پاکستان کی نمائندگی نائب وزیراعظم و وزیر خارجہ اسحاق ڈار کریں گے۔

اجلاس میں غزہ میں جنگ بندی معاہدے پر پیشرفت، انسانی صورتحال اور اسرائیلی جارحیت پر غور کیا جائے گا۔ ترک وزیر خارجہ اسرائیل کی جنگ بندی سے گریز کی کوششوں کو بھی اجاگر کریں گے۔ترجمان دفترِ خارجہ کے مطابق پاکستان اجلاس میں غزہ سے اسرائیلی فوج کے مکمل انخلا اور جنگ بندی معاہدے پر مکمل عملدرآمد کا مطالبہ کرے گا۔