دبئی(رم نیوز)انٹرنیشنل کرکٹ کونسل (آئی سی سی) کا چار روزہ اجلاس آج سے دبئی میں شروع ہو رہا ہے، جس میں ٹی ٹوئنٹی ورلڈکپ 2026 کے شیڈول اور دیگر اہم امور پر تبادلہ خیال کیا جائے گا۔ پاکستان کی نمائندگی سمیر سید کریں گے جبکہ بورڈ اجلاس میں چیئرمین پی سی بی محسن نقوی کی شرکت متوقع ہے۔ اجلاس میں کرکٹ ڈیویلپمنٹ، ایشیا کپ کے معاملات اور آئی سی سی ویمنز ورلڈکپ کی رپورٹ پر بات ہوگی۔ بھارتی میڈیا کے مطابق ایشیا کپ کی فاتح ٹیم کو ٹرافی نہ دینے کا معاملہ بھی زیر بحث آسکتا ہے۔