لاہور(رم نیوز)لاہور ہائیکورٹ نے دھواں چھوڑنے والی گاڑیوں کے خلاف سخت کارروائی کا حکم دیتے ہوئے کہا ہے کہ شہر میں ایسی کوئی گاڑی نظر نہیں آنی چاہیے۔ عدالت نے ہدایت دی کہ شہر بھر میں بینرز لگائے جائیں جن میں واضح ہو کہ دھواں چھوڑنے والی گاڑیاں بند کر دی جائیں گی۔

جسٹس شاہد کریم نے ریمارکس دیے کہ اگر عدالتی احکامات پر پہلے عمل کیا جاتا تو لاہور کی فضا مختلف ہوتی۔ عدالت نے محکمہ ماحولیات کے افسروں کو سڑکوں پر موجود رہنے اور آلودگی پھیلانے والوں کے خلاف فوری کارروائی کی ہدایت کی۔مزید برآں، عدالت نے پرانے ٹائروں کو پراسس کرنے والے پلانٹس کے خلاف بھی کارروائی اور ڈائریکٹر ماحولیات سے آئندہ سماعت پر رپورٹ طلب کر لی۔ کیس کی مزید سماعت 10 نومبر تک ملتوی کر دی گئی۔