اسلام آباد (رم نیوز)وزیر بحری امور محمد جنید انوار چوہدری کاکہنا ہے کہ پاکستان میں تاریخ کا پہلا بنکرنگ لائسنس جاری کر دیا گیا ہے اور کراچی پورٹ پر عالمی معیار کی بنکرنگ سروس کا باقاعدہ آغاز ہو گیا ہے۔وزیر بحری امور کے مطابق متعدد بین الاقوامی کمپنیوں نے بھی بنکرنگ لائسنس کے حصول میں دلچسپی ظاہر کی ہے، جس سے مستقبل میں پورٹس سے اربوں روپے کی آمدنی متوقع ہے۔ انہوں نے کہا کہ اب جہازوں کو بین الاقوامی معیار کا فیول سپلائی نظام دستیاب ہوگا، جبکہ یہ سروس وزیرِ اعظم کی خصوصی ہدایات پر شروع کی گئی ہے۔
جنید انوار چوہدری کا کہنا ہے کہ عالمی معیار کی بنکرنگ سروس سے کراچی پورٹ کی علاقائی مسابقت بڑھے گی اور غیر ملکی شپنگ لائنز کی آمد میں اضافہ ہوگا۔ بنکرنگ آپریشنز سے قیمتی زرمبادلہ حاصل ہوگا اور مرمت، سپلائیز اور میری ٹائم لاجسٹکس کے شعبوں میں روزگار کے نئے مواقع پیدا ہوں گے۔
وزیر بحری امور نے مزید بتایا کہ کراچی پورٹ پر عالمی حفاظتی اور آپریشنل معیار نافذ کر دیے گئے ہیں اور ایندھن کے معیار، دستاویزات اور شفافیت پر عالمی اصولوں کی مکمل پابندی یقینی بنائی جائے گی
