لاہور(رم نیوز)پنجاب حکومت کے نوٹیفکیشن اور کین کمشنر کی نگرانی کے بعد صوبے کی تمام 41 شوگر ملز نے کرشنگ کا آغاز کر دیا۔ لاہور کی 12 ملیں بھی کسانوں سے گنا خرید کر کرشنگ شروع کر چکی ہیں، جس سے چینی کی نئی سپلائی بازار میں آنے کے بعد نرخوں میں 10 روپے تک کمی کا امکان ہے۔

ذرائع کا کہنا ہے کہ کرشنگ سے بلیک مارکیٹ میں فروخت اور مصنوعی قلت کا خاتمہ ہو سکے گا۔ قبل ازیں کین کمشنر نے کرشنگ میں تاخیر کرنے والی ملز کے خلاف کارروائی کا اعلان کیا تھا۔ تاہم، کسان اتحاد کے چیئرمین خالد باٹھ نے الزام عائد کیا ہے کہ ملز مالکان تاخیر سے کرشنگ شروع کر کے گنا سستے داموں خریدنے کی کوشش کریں گے۔