لاہور(رم نیوز)ضمنی انتخابات کے لیے انتخابی مہم کا وقت ختم ہوگیا، جبکہ کل (اتوار) قومی اسمبلی کی 6 اور پنجاب اسمبلی کی 7 نشستوں پر پولنگ ہوگی۔ جلسوں، جلوسوں، ریلیوں اور کارنر میٹنگز پر پابندی عائد کر دی گئی ہے۔وفاقی حکومت نے سکیورٹی کے لیے پاک فوج کی تعیناتی کی منظوری دے دی ہے۔ فوجی دستے 22 سے 24 نومبر تک انتخابی حلقوں میں تھرڈ ٹیئر اور کوئیک ری ایکشن فورس کے طور پر فرائض انجام دیں گے۔ لاہور، فیصل آباد، ساہیوال، ڈی جی خان، مظفر گڑھ، سرگودھا، ہری پور اور میانوالی میں امن و امان کی ذمہ داری فوج کے سپرد ہوگی۔

این اے 129 میں ن لیگ کے حافظ نعمان اور آزاد امیدوار ارسلان احمد کے درمیان سخت مقابلے کا امکان ہے، جبکہ این اے 18 ہری پور میں عمر ایوب کی اہلیہ اور مسلم لیگ ن کے بابر نواز میں کانٹے دار مقابلہ متوقع ہے۔