سندھ ہائیکورٹ بار ایسوسی ایشن کے انتخابات آج، 8478 وکلاء اپنا ووٹ ڈالیں گے

کراچی(رم نیوز)سندھ ہائیکورٹ بار ایسوسی ایشن کے انتخابات آج منعقد ہو رہے ہیں جن میں 8 ہزار 478 وکلاء حقِ رائے دہی استعمال کریں گے۔ الیکشن کمشنر کے فرائض بیرسٹر ذوالفقار جلبانی انجام دے رہے ہیں۔صدارتی نشست کے لیے بیرسٹر سرفراز میتلو، حسیب جمالی اور وہاب بلوچ کے درمیان مقابلہ ہے، جبکہ نائب صدر کے عہدے پر 8 امیدوار میدان میں ہیں۔ جنرل سیکرٹری کی نشست کے لیے فریدہ منگریو، بیرسٹر عمران مٹھانی اور مرزا سرفراز مدمقابل ہیں۔

خزانچی کے عہدے پر لیاقت علی اور نعمت اللہ شاہ کے درمیان مقابلہ ہوگا، جبکہ جوائنٹ سیکرٹری کی نشست پر فدا حسین، حذیفہ خان اور آر بی قریشی امیدوار ہیں۔ لیڈیز افیئرز کی ایڈیشنل جوائنٹ سیکرٹری کی نشست کے لیے فوزیہ مشتاق، روپ مالا سنگھ راجپوت اور رخشندہ وحید میدان میں ہیں۔ ممبر مینجنگ کمیٹی کی 9 نشستوں کے لیے 27 امیدوار حصہ لے رہے ہیں۔