واشنگٹن(رم نیوز)امریکہ نے 19 ممالک کے شہریوں کی گرین کارڈ اور امریکی شہریت سمیت تمام امیگریشن درخواستوں کو عارضی طور پر روک دیا ہے۔ امریکی اخبار نیویارک ٹائمز کے مطابق یہ اقدام ان ممالک پر لگائی گئی اُس پابندی کے تحت کیا گیا ہے جس کے تحت ٹرمپ انتظامیہ نے جون میں یو ایس سٹیزن شپ اینڈ امیگریشن سروسز سے سٹیٹس حاصل کرنے پر قدغن لگائی تھی۔

رپورٹ میں بتایا گیا ہے کہ جن ممالک کی درخواستیں روکی گئی ہیں ان میں افغانستان، صومالیہ، ایران، لیبیا، میانمار، سوڈان، ترکمانستان، یمن سمیت دیگر شامل ہیں۔ ان ممالک کے شہریوں کے تمام کیسز کی حتمی منظوری یا مسترد کیے جانے کے فیصلے بھی روک دیے گئے ہیں۔

اقدام گزشتہ ہفتے ایک افغان شہری کی جانب سے نیشنل گارڈز پر فائرنگ کے واقعے کے بعد سامنے آیا، جس کے بعد صدر ٹرمپ نے سخت ترین امیگریشن پالیسی کے اعلان کیے۔ حکام کے مطابق سکیورٹی اداروں نے خاص طور پر افغانستان سے تعلق رکھنے والے افراد کی سکریننگ اور آن لائن سرگرمیوں کی نگرانی مزید سخت کر دی ہے۔