لاہور(رم نیوز)پنجاب اسمبلی کے 36ویں اجلاس کی دوسری نشست آج صبح 11 بجے سپیکر ملک محمد احمد خان کی صدارت میں ہوگی۔ اجلاس کے ایجنڈے کے مطابق محکمہ ہائر ایجوکیشن اور اسکول ایجوکیشن سے متعلق سوالات کے جوابات طلب کیے جائیں گے جبکہ پانچ تحریکِ التوا بھی زیر بحث آئیں گی۔

ایوان میں صوبائی موٹر وہیکل آرڈیننس 2025، ستھرا پنجاب اتھارٹی آرڈیننس 2025، پولیس آرڈر ترمیمی بل 2025 اور زراعت و فوڈ اینڈ ڈرگ اتھارٹی ترمیمی بل پیش کیے جائیں گے۔ اراکین اسمبلی مختلف عوامی نوعیت کے فوری مسائل بھی اٹھائیں گے۔