پشاور(رم نیوز)پشاور میں وزیراعلیٰ خیبرپختونخوا سہیل آفریدی کی زیر صدارت کاؤنٹر ٹیرارزم ڈیپارٹمنٹ (سی ٹی ڈی) کا اہم اجلاس ہوا، جس میں انہیں ڈیپارٹمنٹ کی کارکردگی اور منصوبوں پر تفصیلی بریفنگ دی گئی۔

اجلاس میں صوبے میں سی ٹی ڈی کی توسیع، 638 مستقل فیلڈ آپریٹرز کی بھرتی، نئے ریجنل ہیڈکوارٹرز کے قیام اور 21 اضلاع میں دفاتر کی تعمیر کے منصوبے کی منظوری دی گئی۔ 7 ارب 77 کروڑ روپے کی لاگت سے گاڑیوں، اسلحہ اور جدید آلات کی فراہمی بھی منظور کی گئی۔

وزیر اعلیٰ نے کہا کہ سی ٹی ڈی اصلاحات، انفراسٹرکچر اور بھرتیوں پر ٹائم لائن کے مطابق عملدرآمد یقینی بنایا جائے گا اور وسائل کی کمی صوبے میں امن کے قیام میں رکاوٹ نہیں بننے دی جائے گی۔