پشاور(رم نیوز) سانحہ آرمی پبلک سکول پشاور کو 11 سال گزر گئے، مگر اس کے زخم آج بھی تازہ ہیں۔ 16 دسمبر 2014 کو دہشت گردوں نے اے پی ایس پشاور پر حملہ کر کے 132 بچوں سمیت 147 افراد کو شہید کیا تھا۔ یہ سانحہ پوری قوم کے لیے ایک ناقابلِ فراموش المیہ بن گیا۔

واقعے کے بعد پاک فوج نے بروقت کارروائی کرتے ہوئے تمام حملہ آوروں کو ہلاک کیا جبکہ اسی دن ملک میں دہشت گردی کے خلاف فیصلہ کن اقدامات کا آغاز کیا گیا۔ آج بھی قوم شہداء کو خراجِ عقیدت پیش کر رہی ہے اور دہشت گردی کے خلاف عزم کا اعادہ کیا جا رہا ہے۔