لاہور (رم نیوز)ملک کے مختلف حصوں میں شدید دھند کے باعث موٹروے سینٹرل زون کے کئی مقامات پر ٹریفک معطل کر دی گئی ہے۔

موٹروے پولیس کے مطابق میاں چنوں، چیچہ وطنی، بستی ملوک اور خانیوال سمیت متعدد علاقوں میں حدِ نگاہ انتہائی کم ہو گئی ہے، جبکہ بہاولپور، احمد پور ایسٹ، چنی گوٹھ، ترنڈہ محمد پناہ اور ظاہر پیر میں بھی دھند چھائی ہوئی ہے۔

ترجمان کا کہنا ہے کہ رحیم یار خان، فرید آباد، کرم آباد، مسلم چوک اور کوٹ سبزل میں بھی شدید دھند کے باعث ڈرائیونگ خطرناک ہو گئی ہے۔ مسافروں کو ہدایت کی گئی ہے کہ احتیاطی تدابیر اختیار کریں، لین ڈسپلن پر عمل کریں اور فوگ لائٹس استعمال کریں۔