اسلام آباد(رم نیوز)وزیراعظم شہباز شریف نے کہا ہے کہ تجاوزات کے خاتمے کے بغیر شہروں اور قصبوں کی منصوبہ بندی اور انفراسٹرکچر بہتر نہیں ہو سکتا، عوامی مسائل کے حل کے لیے تجاوزات کا خاتمہ ضروری ہے۔اسلام آباد میں ٹی چوک پر اقبال فلائی اوور اور سگنل فری ایکسپریس وے کوریڈور کی افتتاحی تقریب سے خطاب کرتے ہوئے وزیراعظم نے کہا کہ عام آدمی کی سہولت کے لیے جدید سفری منصوبے خوش آئند ہیں۔ انہوں نے منصوبہ ریکارڈ مدت میں مکمل کرنے پر وفاقی وزیر داخلہ محسن نقوی کو خراجِ تحسین پیش کیا۔اس موقع پر وزیر داخلہ محسن نقوی نے بتایا کہ اقبال چوک فلائی اوور 77 روز میں مکمل کیا گیا اور منصوبے کے اطراف تین ہزار درخت لگائے گئے ہیں، جبکہ اسلام آباد کی ترقی وژن 2027 کے تحت جاری ہے۔