کراچی(رم نیوز)وزیراعلیٰ سندھ مراد علی شاہ نے بھتہ خوروں کو قانون کے کٹہرے میں لانے کا عزم ظاہر کیا ہے اور کہا کہ بھتہ خوری کے معاملے پر تفصیلی میٹنگیں ہو چکی ہیں۔ انہوں نے بتایا کہ بھتہ خوروں کے ہینڈلرز بیرون ملک موجود ہیں اور اس حوالے سے وفاقی حکومت کو خط بھی بھیجا گیا تھا۔وزیراعلیٰ نے مزید بتایا کہ وفاقی حکومت نے بیرون ملک بیٹھے بھتہ خور مافیا کے سرغنہ کی گرفتاری کے لیے انٹرپول سے رابطہ کیا ہے۔

اسی دوران مراد علی شاہ کی زیر صدارت کراچی کے صنعتی علاقوں کے انفراسٹرکچر پر اعلیٰ سطح کا اجلاس ہوا، جس میں صنعتی زونز کی ترقی و بحالی کے لیے 9.28 ارب روپے کی منظوری دی گئی۔ اجلاس میں صنعتکاروں کو گرانٹ ان ایڈ کے ذریعے فنڈز کے اجرا پر بھی زور دیا گیا۔