لاہور(رم نیوز)پنجاب بھر میں موسم کی شدت کے ساتھ بارش کا سسٹم داخل ہو گیا ہے، جس کے اثرات کے پیش نظر محکمہ موسمیات نے بارش اور برفباری سے متعلق پیش گوئی جاری کر دی ہے۔محکمہ موسمیات کے مطابق صوبائی دارالحکومت لاہور سمیت پنجاب کے مختلف اضلاع میں آج بادل چھائے رہنے اور دھند و فوگ کی صورتحال برقرار رہنے کا امکان ہے، کیونکہ سسٹم ابھی کمزور ہے۔

موسمیاتی ماہرین کے مطابق کل لاہور اور صوبے کے دیگر علاقوں میں ہلکی بارش کے امکانات موجود ہیں۔ بارشوں کے نتیجے میں خشک موسم کے سبب پھیلنے والی بیماریوں جیسے نزلہ، زکام، کھانسی اور بخار میں کمی آنے کا امکان ہے۔

پی ڈی ایم اے کے کنٹرول روم میں صورت حال کی مسلسل مانیٹرنگ جاری ہے اور سیاحوں کے لیے سہولت مراکز بھی قائم کر دیے گئے ہیں۔