اسلام آباد(رم نیوز)افغان سرزمین سے خوارج کے حملے میں 4 پاکستانی فوجیوں کی شہادت کے بعد پاکستان نے افغان ڈپٹی ہیڈ آف مشن کو دفتر خارجہ طلب کر کے باضابطہ ڈی مارش دیا۔
دفتر خارجہ کے بیان کے مطابق پاکستان نے افغان طالبان پر زور دیا ہے کہ وہ فتنہ الخوارج اور ٹی ٹی پی سمیت تمام دہشت گرد گروہوں کی معاونت بند کریں اور افغان سرزمین سے دہشت گردی کی منصوبہ بندی یا کارروائیوں میں ملوث عناصر کے خلاف فوری اور قابل تصدیق اقدامات کریں۔
بیان میں مزید کہا گیا کہ پاکستان اپنی خود مختاری کے دفاع اور سرحدی سیکیورٹی کے تحفظ کے حق کو ہر صورت برقرار رکھے گا اور افغان حکومت سے مکمل تحقیقات اور کارروائی کا مطالبہ کیا گیا ہے۔
