اسلام آباد(رم نیوز)فیڈرل بورڈ آف ریونیو (ایف بی آر) نے ایک لاکھ 74 ہزار نئے نان فائلرز کی فہرست تیار کر لی ہے۔ ذرائع کے مطابق بیشتر نان فائلرز کو نوٹس بھیج دیے گئے ہیں، جن میں گھریلو خواتین بھی شامل ہیں۔ایف بی آر نے نان فائلرز کے لیے نقد رقم نکالنے کی حد 75 ہزار روپے مقرر کی ہے اور انہیں ہدایت کی گئی ہے کہ وہ تین سال کے ٹیکس ریٹرنز دستاویزی ثبوت کے ساتھ جمع کرائیں۔ نوٹسز شناختی کارڈ کے ذریعے آن لائن اور گھر پر بھی بھیجے جا رہے ہیں۔