کوئٹہ(رم نیوز)وزیراعلیٰ بلوچستان میر سرفراز بگٹی کو بگٹی قبائل کے آٹھویں چیف آف بگٹیز کے طور پر نامزد کیا گیا ہے۔ اس موقع پر قبائلی عمائدین نے ان کی کامیابی اور سلامتی کے لیے دعائیں کیں۔

ڈیرہ بگٹی کے علاقے بیکڑ میں آج دستار بندی کی تقریب ہوگی، جس میں سرفراز بگٹی کو باقاعدہ طور پر چیف آف بگٹیز کی دستار پہنائی جائے گی۔ تقریب میں بگٹی قبائل کے تمام چیف، وڈیرے اور قبائلی معتبرین شریک ہوں گے جن میں شمبانی، کلپر، موندرانی، پیروزانی، نوتھانی اور ڈومب قبیلے کے چیف بھی شامل ہیں۔

نواب بگٹی خاندان کے افراد بھی تقریب میں خصوصی طور پر شریک ہوں گے اور قبائلی روایت کے مطابق دستار بندی انجام دیں گے۔