کراچی(رم نیوز)شہر قائد میں یخ بستہ ہواؤں کے اثر سے سردی میں اضافہ ہو گیا ہے اور آئندہ دنوں میں درجہ حرارت مزید گرنے کا امکان ہے۔

محکمہ موسمیات کے ارلی وارننگ سینٹر کے مطابق اگلے تین دنوں کے دوران موسم خشک اور راتیں خنک رہیں گی۔ جمعے کو شہر میں کم سے کم درجہ حرارت تقریباً 10 ڈگری سینٹی گریڈ تک پہنچ سکتا ہے، جبکہ مضافاتی علاقوں میں یہ سنگل ڈیجیٹ میں جا سکتا ہے۔

بلوچستان کی شمال مشرقی یخ بستہ ہوائیں بدستور شہر پر اثر انداز رہیں گی، اور دن کے وقت سمندر کی جنوب مغربی ہوائیں کمزور رہ سکتی ہیں۔ علاوہ ازیں صوبے کے میدانی علاقوں میں صبح کے وقت دھند چھا سکتی ہے، جس سے حد نگاہ متاثر ہو سکتی ہے۔