منامہ(رم نیوز)صدر مملکت آصف علی زرداری بحرین کے چار روزہ سرکاری دورے پر منامہ پہنچ گئے، جہاں بحرین نیشنل گارڈ کے کمانڈر شیخ محمد بن عیسیٰ الخلیفہ اور بحرین کے وزیر خارجہ نے ان کا استقبال کیا۔سرکاری دورے کے دوران صدر مملکت کی بحرین کے فرمانروا شاہ حمد بن عیسیٰ الخلیفہ اور ولی عہد و وزیر اعظم شہزادہ سلمان بن حمد الخلیفہ سے ملاقاتیں متوقع ہیں، جن میں دوطرفہ تعلقات، اقتصادی تعاون اور علاقائی امور پر تبادلہ خیال کیا جائے گا۔صدر آصف علی زرداری منامہ میں اکنامک ڈویلپمنٹ بورڈ کے صدر دفتر میں منعقدہ استقبالیہ سے بھی خطاب کریں گے۔