لاہور(رم نیوز)پنجاب حکومت نے صوبے میں ٹیکس نہ دینے والوں کو نیٹ میں لانے کا فیصلہ کر لیا ہے۔ چیئرمین پنجاب ریونیو اتھارٹی (PRA) معظم اقبال سپرا کے زیرِ صدارت فیلڈ آپریشنز کا جائزہ اجلاس ہوا، جس میں کہا گیا کہ سروسز فراہم کرنے والی تمام کمپنیوں کو لازمی طور پر PRA میں رجسٹر ہونا ہوگا اور ای آئی ایم ایس کے تحت ٹیکس ادائیگی یقینی بنائی جائے گی۔اجلاس میں فیلڈ ٹیموں کی استعداد کار بڑھانے کے لیے ٹریننگ پروگرام کا اعلان کیا گیا جبکہ مقررہ اہداف پورے نہ کرنے پر سرگودھا اور بہاولپور ڈویژن کی کارکردگی پر ناراضگی کا اظہار کیا گیا۔